دواین هەواڵ

2024-03-24 هونەرمەند حەسەن کاکایی بەهۆی خوێندنی سروودی نەتەوەیی، لەلایان هێزەکانی بەرفەرمانی تارانەوە دەسبەسەرکرا 2024-03-23 کۆڵبەرێک لە سنووری نەوسوود بەتەقەی هێزەکانی دەوڵەتی داگیرکەر، کوژرا 2024-03-16 ناوی سەردارانی شەھیدی لوڕستان ھەرمانە و تاوانی دەوڵەتی فارسیش لەبیر نەکراو 2024-03-16 پێشمەرگەیەکی کۆمەڵەی شۆڕشگێڕی زەحمەتکێشانی کوردستانی ئێران تیرۆر کرا 2024-03-15 کۆڵبەرێکی کورد ٩ رۆژ دوای بریندارکرانی گیانی لەدەست‌دا 2024-03-15 مێهران ئەکرەمی لەبەندیخانەی دەوڵەتی داگیرکەری ئێراندا لەژێر ئەشکەنجە شەهید کرا 2024-03-14 مەهدی رەحمانی قەپڵانتوو، بەهۆی رووداوێکی هاتوچۆوە گیانی لە دەست‌دا 2024-03-13 کچێکی ٢١ ساڵان لە لوڕستان بە تەقەی راستەوخۆی هێزەکانی دەوڵەتی داگیرکەری ئێران کوژرا 2024-03-08 به‌یاننامه‌ی تیپی ته‌واره‌كانی ئازادیی كوردستان TAK به‌ بۆنه‌ی ٨ی مارس رۆژی جیهانیی ژن 2024-03-08 پەیامی سەرۆکی PAK بەبۆنەی رۆژی جیهانیی ژن 2024-03-07 راگەیەندراوی رێکخراوی ئازادیی ژنانی کوردستان-نینا بە بۆنەی رۆژی جیهانی 8ی مارس 2024-03-06 بە بەشداریی شاندێکی پارتی ئازادیی کوردستان، مامۆستا پۆڵا نانەوازادە بە خاک سپێردرا 2024-03-06 پرسەنامەی سەرۆکی PAK بەبۆنەی مەرگی پۆلێک هونەرمەندی کوردستان 2024-03-01 ڕۆژهەڵاتی داگیرکراو دیسان ناسنامە و پرس و کۆڵنەدانی خۆی نواندەوە! راگەیەندراوی پارتی ئازادیی کوردستان PAK بەبۆنەی شکستی تاران لە کوردستان 2024-02-25 دیداری نێوان پارتی ئازادیی کوردستان و کۆمەڵەی زەحمەتکێشانی کوردستان

بابەت

٣١ەمین ساڵوەگەڕی دامەزراندنی ،PAK قوتابخانەی بیر و کرداری نەتەوەیی، دەوڵەتخوازیی، فیداکاری و ئەخلاقمەداریی پیرۆزبێ

13/05/2022



٭ رزگار عەباس‌زادە  - ئەندامی مەجلیسی گشتیی PAK
 
 ٣٠ گوڵانی ئەمساڵ ٣١ ساڵ بەسەر بنیاتنانی حیزبی رچەشکێن، حیزبی خەبات لە پێناو سەروەری و بەدەوڵەتبوون، حیزبی سوپای میللی کوردستان، حیزبی بەرنگاریی و حەماسەخوڵقێن، حیزبی قارەمانانی دوژمن بەزێن، تێدەپەڕێ.
بنیاتنانی پاک، هەنگاوێکی مێژوویی گەورەی بوو لە بزووتنەوەی رزگاریخوازیی رۆژهەڵاتی کوردستان، ئەو هەنگاوە مێژووییە بە دەسپێکی دەرچوون، لە قەیرانی ناسنامە و سیاسەت و گەڕاندنەوە بۆ ئەسڵ و رەسەنایەتی دەژمێردرێ.
بە لەدایکبوونی پاک هێڵێکی فیکری و رێبازێکی سیاسی و سایکۆلۆژیایەکی بەهێز و باوەڕبەخۆ، لە بزووتنەوەی کورد دا سەریهەڵدا.
لە کاتێکدا مێشکی لاوی کورد بە فکری دەرەکی و موخلیس بوون بۆ تاران و دروشمی لە هەموو ئێرانییەک ئێرانیترین و وزە و پیتانسییەلی کۆمەڵگای کوردیان بەم دروشمانە بەفیڕۆ دەدا، پارتی ئازادیی کوردستان بە هەڵکردنەوەی ئاڵای کوردستان و بیر و فکرێکی کوردستانی، ستراتیزی سەربەخۆیی خەباتی خۆی دەستپێکرد و دامەزراندنەوەی دەوڵەتی جمهووری کوردستانی کردە ئەرکی سیاسی هەرە لە پێشی خۆی.
هەروەها پاک بە تێکۆشانی بێوچان و شێلگیرانەی خۆی لە ناوچەکانی باشووری رۆژهەڵاتی کوردستان، کە کوردبوون و کوردستانی بوون لە قڕکردندابوو و سیاسەتی ئاسمیلاسیۆنی دەوڵەتی داگیرکەری تاران تا رادەیەکی باش لەو ناوچانە بەرەوپێش چبوو و لەپاڵ وئەمەشدا سیاسەتی نادروستی هێزە سیاسیەکانی "کوردستانی ئێران" کە هەم دوورەپەرێز و هەمیش بەجاڕێ ڕۆچبوونە ناو گۆلاوی ئێرانی بوون و باسی کورد و کوردستان, دواکەوتوو و نامۆدێڕن بوو بەلایانەوە، هەمان فکریشیان ترنجاندبووە ناو کۆمەڵگا و ئاخنیبووە مێشکی لاوی کورد، پارتی ئازادیی کوردستان، ناسنامەی کوردی لەو دەڤەرانە بووژاندەوە و زەبری کوشندەی لە ناسنامەی ئێرانیبوون وەشاند و هێژموونی تاران و دەوڵەتی فارسی ڕماند ھەمێستا سەدان لاوی گیان لەسەردەستی لەو دەڤەرانە ھەیە لە ناو ریزەکانی سوپای میللی کوردستاندا.
لە کاتێکدا پێ دەنێینە ٣٢ ساڵەی دامەزران، پاک لە رۆژی بنیاتنانیەوە هەتاکوو ئەم ساتە خەباتێکی پڕلە هەوراز و نشێو و هەستان و شکانی زۆری بینی. زەبری قورسی وێکەوت، برینی قوڵی هەڵگرت بەڵام هەرگیز کۆڵی نەدا و بەچۆکدا نەهات و رۆژ لە دوای رۆژ، بەهێزتر لە جاران خەباتی خۆی درێژە پێدا.
پارتی ئازادیی کوردستان، بە بەشداریی چالاکانەی پێشمەرگانەی خۆی لە شەڕ دژی داعش و بەرگریی لە خاکی باشووری نیشتمان، سەلماندی کە حیزبی سنوور نەناسە و بە دەوری سەربازیی خۆی و تۆمارکردنی دەیان قارەمانییەت و پێشکەش کردنی دەیان شەهید و بریندار، سەربەرزانە نوێنەرایەتی  رۆژهەڵاتی کوردستانی لە شاجەنگی کوردان دا کرد.
جێی خۆیەتی هەر لەم بۆنەدا، پیرۆزباییەکی گەرم ئاراستەی پێشمەرگە گیان لە سەردەست و تەیار بە بیری ناسیۆنالیزمی کورد، کچان و کوڕانی ئازا و دلێر لە ناو سوپای میللی کوردستاندا بکەم بە بۆنەی دووهەمین ساڵی دامەزراندنی سوپای میللی کوردستانەوە.
 هەزاران سڵاوی ئەمەگ و وەفا پێشکەش بە سەرقافڵەی شەهیدانی پاک شەهید سەعید یەزدانپەنا وسەرجەم شەهیدانی ئەم خەباتە پڕ سەرەوەرییە.
شەکاوە بێ ئاڵای خەباتی پارتی ئازادیی کوردستان لە پێناو سەربەخۆیی و بە دەوڵەتبوونی کوردستاندا.


سەرەوە