پێشوازی لە مەیتی عەلی قازی مۆری باتڵ ی لە حدوودەکانی سایکس پیکۆ دا

20/07/2022

سەلاحەدین وەهابپوور

پێشوازی لە مەیتی عەلی قازی مۆری باتڵ ی لە حدوودەکانی سایکس پیکۆ دا

تاقانە کوڕی پێشەوا، پێویست نەبوو لە ھەمو بواران دا ھەڵکەوتە بێ. ئەو پیاوە ھەر ناوەکەی ترسی دەخستە دڵی دوژمن. لە بەر پێوەندی بە پێشەوا، داگیرکەر ھەتا لە حاڵی حەیاتی دا بوو، لە ھەبوونی کوڕی ڕەش تۆقیبوو، لە خەبەری مردنی دا هیندەی دی هەستی بە حەسساس بوونی وەزعەکە کرد.  ئەو جار لە ئیحتیمالی ڕاپەڕینێکی پان و بەرینی خەڵک لە وەختی ھێنانەوەی تەرمی عەلی قاضی‌ دا تاسابوو.
عەلی قاضی ھیچی نەکردبوو، یان بە قەولی بەعزێکان ھیچی نەکردبوو. ئەی چۆن بوو دەوڵەتی داگیرکەر بۆ ناشتنی ناوبراو لە خاکی خۆی دا ئەو گشتە شەرت  و مەرج و مەحدودیەتەی دانابوو؟ تەنانەت دانانی سەرەخۆشیی قەدەغە کردبوو.

دیارە ئەوەی هێنانەوەی جەنازەی کوڕی ڕەش لە کوردستان کردی شتێکی کەم نەبوو. خەڵکی گەرمێنێ لە هێنانەوەی یادگارەکەی پێشەوا دا نیشانیان دا ئەو بستۆکەی دوژمن ناوی ناوە سنوور هیچ شەرعیەتێکی نیە و لە لای خەڵکی ئەم دیو و ئەو دیو باتڵە. خەڵکی باشوری کوردستان و حکومەتی هەرێم و خەڵکی کەلاری سەربەرز، بە تایبەت بە شێعرە ئاگرینەکانیان مۆری باتڵیان لە حدوودە دەستکردەکانی سایکس پیکۆ دا و لە لایەکی دیکەوە پیلانی دوژمنیان بۆ بێ ڕێزی بۆ یادگارەکەی پێشەوا لە بەشە داگیرکراوەکەی ڕۆژهەڵات دا پووچەڵ کردەوە.