دواین هەواڵ

2024-07-12 ​ ٩ ناوەندی بیری( تینک تانک) ئەمریکا دەڵێن: ئێران لە دروستکردنی چەکی ئەتۆمی نزیک بووەتەوە 2024-07-09 بەهۆی ھێرشێکی ئیسراییلەوە، پێنج کەس کوژران 2024-06-25 کوردستان نابێتە کەرەستەی پڕۆژە و پلانەکانی بەڕێوەبەرانی دەوڵەتی ئیستیعماریی ئێران ڕاگەیەندراوی PAK سەبارەت بە شانۆگەریی هەڵبژاردنی سەرکۆماریی ئێران 2024-06-06 مامۆستا محەممەد خزرنژاد لەلایان دەوڵەتی داگیرکەری ئێرانەوە بە لەسێدارەدان حوکم درا 2024-05-26 ژینا مودەڕس گورجی بە ٢١ ساڵ بەندکردن و دوورخستنەوە بۆ بەندیخانەی هەمەدان سزادرا 2024-05-19 شەکاوەیە ئاڵای خەبات لە پێناو سەربەخۆیی کوردستاندا بەیاننامەی پارتی ئازادیی کوردستان PAKبە بۆنەی سیوسێهەمین ساڵوەگەڕی لە دایکبوونی 2024-05-19 بەیاننامەی فەرماندەیی سپای میللیی کوردستانS.M.K بە بۆنەی چوارەمین ساڵی دامەزراندنییەوە 2024-05-19 پەیامی رێکخراوی لاوانی ئازادیی کوردستان بەبۆنەی ٣٠ گوڵان 2024-05-19 پەیامی رێکخراوی ئازادیی ژنانی کوردستان-نینا بە بۆنەی 33 هەمین ساڵرۆژی دامەزرانی پارتی ئازادیی کوردستان. 2024-05-18 ئەندامانیPAK، یادی ھەنگاوە مەزنەکەی ڕێگای دەوڵەت و سەربەخۆیی جەژن دەگرن: 2024-05-18 تێکۆشەرانی ڕیزەکانیPAKجەژنی 33ساڵەی یادی ھەنگاوە مەزنەکەی ڕێگای دەوڵەت و سەربەخۆیی، دەکەنەوە: 2024-05-03 دەسبەسەرکرانی ١٤ هاووڵاتیی شنۆ لەلایان هێزەکانی دەوڵەتی داگیرکەری ئێرانەوە لە کەمتر لە حەوتوویەکدا 2024-04-21 خۆکوژیی بەندکراوێکی ڕاپەڕینی ژینا 2024-04-21 سۆما پوورمحەممەدی، مامۆستای زمانی کوردی بە ١١ ساڵ بەندکران و دوورخستنەوە حوکم درا 2024-04-20 بەرپرسێکی پلە بەرزی ئەمریکی: فڕۆکەیەکی ئیسراییلی بە سێ هاژەک پێگەی راداری پەدافەندی ئاسمانیی ئێرانی لە نزیک ئەسفەهان تێکشکاند

بابەت

⭕️ئەمشەو ڕۆحی سمکۆ بەرەو ئاسمانی ھەرمان دەفڕێ!

12/09/2022

 ⭕️ئەمشەو ڕۆحی سمکۆ بەرەو ئاسمانی ھەرمان دەفڕێ!

‌                              حسێن یەزدانپەنا
ئەمشەو دوا هەناسە و ئاخرین فەرمان و دوایین زەردەخەنەی کاک ڕەشید، براگەورەی من و فەرماندەی پێشمەرگەی کوردستان بوو. چل ساڵ لەمەوبەر لەم ساتانەدا، بەژنی بەرز و قەڵافەتی جوانی ئەو، لە هەڕەتی لاوێتی لە تەمەنی ٢٢ ساڵیدا، لە نەبەردێکی دلێرانەدا، بە تیری داگیرکەرانی دەوڵەتی فارس، لە خوێن گەوزا و ڕۆحی نەسرەوتووی بەرەو ئاسمانی ھەرمان فڕی. ئەمشەو چلەمین ساڵە، قەتماخەی ئەو برینەی سەر دڵی من و هاواڵەکانی دەکولێتەوە. ئەمشەو چل ساڵە، ناڵەشکێنە و  قەڵاو حەوزە گەورە و گۆمی سەرسەکۆ، ئیتر ئەویان بە ڕێبوارییش نەدیتەوە.
 ئەمشەو، جارێکی دیکە، کامیاران و دارساوێن، سەقز و سنە، باغڵووجە و گەلی قاسملوو شەڕگەی نەبەردەکانی ئەو رادەچڵەکێنەوە.ئەمشەو قەڵا بە سەر حەوزە گەورەدا ئەسرین دەبارێنێ.ناڵەشکێنە و گۆمی سەرسەکۆ خەم دەگۆڕنەوە.ئەمشەو گەڵای دارچنارەکانی«سەقزلوو»ھەڵدەوەرن و « نەوبەھار»تەم دایدەگرێت.«شاریکەند» پشت لە شار دەکات و« باغچە» میوان لەخۆ ناگرێت.تەتەھوو شەپۆل نادات و بەحرەکە سوور دادەگەڕێ.ئەمشەو عەتری خوێنی رەشید لە شەقام و کۆڵانەکانی بۆکان هەڵدەستێتەوە. کۆڵان و شەقام و سەربانە ئاشناکان بە کەمین و هەڵمەتی جامانە قیتە گەردن بڵیندە  پڕ نەعرەتە بەدەست وبردەکەی نیشتمان، بۆن دەکەنەوە. ئەمشەو ھەڤاڵەکانی کاک رەشید لە دوا نەبەردەدا، لە هاتنەوە بەرچاوی هەڵمەتی کۆڵان بە کۆڵان و خرۆشی کڵاشینکۆفەکەی، مووی لەشیان ڕاست دەبێتەوە. ئەمشەو ئەوان بە گەڕانەوەی چرکە ساتی پێکانی ئەو سینگە پڕ ئاواتە و دەستاودەست پێکرانی تەرمی ئەو هاوڕێ وهاواڵ و فەرماندەیە سەدان ئاخ و داخ هەڵدەکێشن. ئەمشەو داربییەکانی باخچەکەی حەمەڕەسووڵی شافێعی کە لقەکانی بۆ ھەڵگرتنی تەرمی کاک رەشید لێکرایەوە، سەری شەرم نەوی دەکەن و خۆیان دەڕننەوە.
ئەمشەو لە ئاسمانی نەمریی و هەرماندا، ئەمیری شەمسەدینی و محەممەدی یەعقووبی پێش  ئەنوەر و جەواد و ئەسعەد و ڕەحیم و عوسمان و حەسەن و غوڵام و خەلیل و خالید و مەسعوود و برایم و سەلاح و حەمەکەس و ئاپۆرایەک لە پیاوانی دیکەی ئەو هەردە کەوتوون، بەرەو پیلی سمکۆ دەچن تا خوێنی لاجانگی پێکراوی بۆ بسڕنەوە.
ئەمشەو دەمانچەکەی ژێر کاپشێنەکەی شەڕی سێ مانگە و  R.P.Gییەکەی کامیاران و کالیبر پەنجاکەی سەقز وسنەو دۆشکەکەی دارساوێن و کڵاشینکۆفەکەی گەلی قاسملوو و باغڵووجە و بۆکان، بەدوای ئەودا دەگەڕێنەوە.ئەمشەو لە گۆڕستانی شاریکەندەوە، ڕەشیدی یەزدانپەنا پەیامێک بە شەماڵدا بۆ لاوانی نیشتمان دەنێرێ: دەخیلتان بم نەکەن نیشتمانی زامدار بەتەنیا بەجێبێڵن! 
 ئەمشەو، منیش لەم چلەیەدا،هەمیسان بە خەمی ئەو و سەعید و هەڤاڵە شەهیدەکانم و برینەکانی جەستەی ئەم خاکە، تیغی تۆڵەم لە داگیرکەران دەسوومەوە!

٢١ی خەرمانان
 چل ساڵەی برینی قەتماغە نەگرتووی سمکۆ

سەرەوە