بەڤیدیۆ.. ناسا ئۆتۆمبێلە نوێیەکەی سەر مەریخ ئاشکرادەکات

05/01/2019

ئاژانسی دەزگای ناسا پێشنیاری جۆرە ئۆتۆمبێلێکی نوێیان کردووەو وابڕیارە بۆ ساڵی 2020 بنێردرێتە سەر هەسارەی مەریخ.

ئەو ئۆتۆمبێلە بەبێ کۆنترۆڵكردنی شۆفێر کاردەکات و لە رێگەی چەند هەستەوەرێکەوە جوڵەکانی بە ئەنجام دەگەیەنێت، ئامانج لە ناردنی ئەو ئۆتۆمبێلە بۆ هەسارەی سوور لێکۆڵینەوەیە لەو میکرۆبانەی لەسەر مەریخ دەژین.

ئەو ئۆتۆمبێلە زۆر بە وردودرشتی کارەکانی بەئەنجام دەگەیەنێت و بۆ ساڵی 2020 دەنێردرێتە سەر هەسارەی مەریخ.

پارچەکانی ئەو ئۆتۆمبێلە لە حەوت ئامێر پێکهاتووەو لە پاڵیدا چەندین تایەی بەهێز دەبیندرێن کە دەتوانن هەوراز و نشێوەکان بەئاسانی تێپەڕێنن.

لەلایەکی ترەوە ئەو ئۆتۆمبێلە دەتوانێت نموونەی لم و بەردەکانی سەر هەسارەی مەریخ لەگەڵ خۆیدا بهێنێتەوە.

زاناکانی ئاژانسی دەزگای ناسا لەماوەی رابردوودا چەندین ئۆتۆمبێلی تریان رەوانی هەسارەی مەریخ کردووە، بەڵام ئەم ئۆتۆمبێلەیان پێشکەوتووترینیانەو وەڵامی ئەو پرسیارە دەداتەوە کە دەڵێت "ئێمە لەم گەردوونەدا بەتەنهاین؟