دواین هەواڵ

2024-06-06 مامۆستا محەممەد خزرنژاد لەلایان دەوڵەتی داگیرکەری ئێرانەوە بە لەسێدارەدان حوکم درا 2024-05-26 ژینا مودەڕس گورجی بە ٢١ ساڵ بەندکردن و دوورخستنەوە بۆ بەندیخانەی هەمەدان سزادرا 2024-05-19 شەکاوەیە ئاڵای خەبات لە پێناو سەربەخۆیی کوردستاندا بەیاننامەی پارتی ئازادیی کوردستان PAKبە بۆنەی سیوسێهەمین ساڵوەگەڕی لە دایکبوونی 2024-05-19 بەیاننامەی فەرماندەیی سپای میللیی کوردستانS.M.K بە بۆنەی چوارەمین ساڵی دامەزراندنییەوە 2024-05-19 پەیامی رێکخراوی لاوانی ئازادیی کوردستان بەبۆنەی ٣٠ گوڵان 2024-05-19 پەیامی رێکخراوی ئازادیی ژنانی کوردستان-نینا بە بۆنەی 33 هەمین ساڵرۆژی دامەزرانی پارتی ئازادیی کوردستان. 2024-05-18 ئەندامانیPAK، یادی ھەنگاوە مەزنەکەی ڕێگای دەوڵەت و سەربەخۆیی جەژن دەگرن: 2024-05-18 تێکۆشەرانی ڕیزەکانیPAKجەژنی 33ساڵەی یادی ھەنگاوە مەزنەکەی ڕێگای دەوڵەت و سەربەخۆیی، دەکەنەوە: 2024-05-03 دەسبەسەرکرانی ١٤ هاووڵاتیی شنۆ لەلایان هێزەکانی دەوڵەتی داگیرکەری ئێرانەوە لە کەمتر لە حەوتوویەکدا 2024-04-21 خۆکوژیی بەندکراوێکی ڕاپەڕینی ژینا 2024-04-21 سۆما پوورمحەممەدی، مامۆستای زمانی کوردی بە ١١ ساڵ بەندکران و دوورخستنەوە حوکم درا 2024-04-20 بەرپرسێکی پلە بەرزی ئەمریکی: فڕۆکەیەکی ئیسراییلی بە سێ هاژەک پێگەی راداری پەدافەندی ئاسمانیی ئێرانی لە نزیک ئەسفەهان تێکشکاند 2024-04-14 کوژرانی دوو کۆڵبەری کورد بە تەقەی راستەوخۆی هێزەکانی دەوڵەتی داگیرکەری ئێران 2024-04-05 هونەرمەند عەلی زەندی کۆچی دوایی کرد 2024-04-01 کوژرانی ژمارەیەک لە فەرماندە باڵاکانی سپای پاسدارانی دەوڵەتی داگیرکەری ئێران

مەجلیسی گشتی

بڕیارنامەی کۆبوونەوەی مەجلیسی گشتیی PAK سەبارەت بە ڕاپەڕینی ژینا

28/04/2023

بڕیارنامەی کۆبوونەوەی مەجلیسی گشتیی PAK
سەبارەت بە ڕاپەڕینی ژینا

١- شەهیدکرانی ژینا ئەمینی لە شاری تاران، چەخماخەی ئەو ڕاپەڕینەیە کە لەسەقزەوە دەستی پێکرد، کوردستانی تەنییەوە و گەیشتە نەتەوەکانی دیکەی جوغرافیای ئێران.کوردبوون و ژنبوون دوو هۆکاری کوشتنی ژینا و بێحەجابیی بیانووی تاوانەکە بوو.
کوشتنی سەرەڕۆیانەی ژینا، قەتڵی دەوڵەتیی بوو. ئاوێنەی سیستەمی پێوەندیی ١٠٠ ساڵەی ئێران و کوردستان بوو.بنەما سەرەکییەکانی پێوەندیی کۆڵۆنیالیستیی نێوان ئێران و کوردستان لە قەتڵی ژینادا بەدیی دەکرێن. ڕەنگدانەوە و ئاکامی ئەو پێوەندییە لە هەزاران بەستێن و خانە و نموونەی لەو جۆرەدا،ڕوویان داوە.کوشتنی ژینا و هەڵسووکەت لە گەڵ تاوان و قوربانییەکە، ڕۆچوونی ئاپاڕتایدی جنسیی لە کۆی سیستەمی دەوڵەت دەردەخات.ژندژبەریی کۆڵەکەیەکی ئایدۆلۆژیای سیستەمەکەیە.

٢- ڕاپەڕینی ژینا، ڕاپەرینی خۆڕسکی کوردستان، پشت ئەستوور بە هوشیاری و ئەزموونی ٤٤ ساڵ بەربەرەکانێ لە گەڵ کۆماری ئیسلامی و کەلتووری ١٠٠ ساڵەی ملنەدان و  خەبات و بەرەنگاریی لە گەڵ دەوڵەت-نەتەوەی فارسە.ناوەرۆک و گەوهەری ئەو ڕاپەڕینە لە بیر یان هەست و نەستی کوردستانیاندا بۆ هەڵتەکاندنی ئەو تەرتیباتە سیاسییەیە کە یەک سەدەیە دوو سیستەمی پاشایەتی و کۆماریی دەوڵەت-نەتەوەی فارس، کوردستانی کردووەتە نیشتمانێکی کۆڵۆنی و بگرە نزمتر لە کۆڵۆنیی، داگیرکراو، بەر کوشتار و ژێنۆساید و تاڵان و تێکدان و زمانکوژیی و ئاسمیلاسیۆن و بەئێرانیی کران کەوتوو.ڕاپەڕینی ژینا، ڕابوونی رەتکردنەوەی سەروەریی فارس لە سەر کوردستان و ڕاپەڕینی ئەستاندنەوەی ئازادییە. ڕاپەڕینی ژینا بەستێنی بەفیڕۆچوونی هەموو ئەو خەرج و خوێنەیە دەوڵەتی داگیرکەر، بۆ سڕینەوەی ناسنامەی کوردستانی و تواندنەوەی لە ناسنامەی ئێرانییدا کردوویە.

٣- ڕاپەڕینی ژینا، سەرلەنوێ لە دایکبوونەوە و ناسنامەی کوردستانە. ئەو ڕاپەڕینە خاوەندارێتی مرۆڤی کوردستانییە لە گیان و شکۆ و ماف و داد و ئازادیی و ناسنامەی نەتەوەیی و خاک و ژینگەی کوردستانە. جیلوەی دەستاودەست کردن و گوێزانەوەی نەریتی تێکۆشان و بەرەنگارییە لە نەوەکانی پێشووەوە بۆ نەوەی لاوی کوردستان و مۆتۆربەکرانی بە بەها و بایەخ و نۆرمەکانی ژیانی سەردەمە.گۆڕەپانی بەشداریی بەربڵاو، فەرەچەشن و ئاسۆیی و ناهەژمۆنیکی کوردستانیانە بۆ یەکڵایی کردنەوەی ناتەبایی سەرەکیی واتە ناتەبایی نێوان داگیرکەر و داگیرکراو: ئێران و کوردستان.حەولدان بۆ ترنجاندنی ڕۆحی «مهسا» لە پەیکەری «ژینا»دا، بەرهەمهێنانەوەی تاوان دژی کوردستانە.
 بەشداریی و دەوری پێشەنگیی ژن لەم ڕاپەڕینەدا هەڵکشانی هوشیاریی نەتەوەیی و ئاوەز و کەلتووری دێموکراتیی و مرۆڤسالار و یەکسانییخواز، لە هەناوی کۆمەڵگەی کوردستان، دەردەخات. 

٤- ڕاپەڕینی ژینا ڕێنێسانسی سیاسیی نەتەوە بندەستەکان و تیشکی تواندنەوەی بەستەڵەکی سیستەمی کۆڵۆنیالییی ئێرانییە. ئەو ڕاپەڕینە بناغەکانی دەوڵەت-نەتەوەی ئێرانی هێناوەتە لەرزین. هەر بۆیە لەم چرکەساتە مێژووییەدا لە هەناوی خەبات بۆ کۆتاییهێنان بە کۆماری ئیسلامیی، لە حاست دەوڵەت-نەتەوەی فارس، دوو دیسکۆرسی سەرەکیی لە ململانێدان. ململانێی دیسکۆرسی هەڵوەشانەوەی کۆڵۆنیالیزمی ئێرانیی لە گەڵ دیسکۆرسی نۆژەنکردنەوە و بەردەوامیی.
٥- بەرەنگاربوونەوەی دەست درێژیی و ستەم و داگیرکاریی، مافی سرووشتیی و یاسایی هەر تاک و نەتەوە و گرووپێکی مرۆڤییە. دەوڵەتی داگیرکەر وەک هەمیشە بۆ پێشگرتن بە هاوار و دەنگی خەڵکی کوردستان و چاوشکاندنیان، هێز و زەبر و زەنگ و تەنانەت پەلاماری کیمیایی و بیوتێرۆریزمی دەوڵەتیی بەکار دێنێت.بەڵام کوردستان خۆڕاگرە، نابەزێت و مل بە ئیرادەی داگیرکەر نادات. لە هەر کوێ هەر بەرپەرچدانەوەیەکی هێزە داگیرکەرەکانی ئێران بە هەر شێواز و کەرەستەیەک ڕووی دابێیت، بەکارهێنانی مافی دیفاعی ڕەوای کوردستانیانە و ئۆباڵی هەر خوێنڕێژی و توندوتیژییەک لە ئەستۆی تارانە. 

٦- سەرکەوتنی ڕاپەڕینی ژینا و گەیشتنی مرۆڤی کوردستانی بە ماف و ئازادیی، ئاسایش و ئاوەدانیی،دادگەری و بەختەوەریی، لە گرەوەی هەڵتەکاندنی سیستەمی کۆڵۆنیالیستی و نەمانی سەروەریی و حوکم و دەسەڵات و دامەزراوەکانی داگیرکەر لە کوردستان و گەڕاندنەوەی مافی زەوتکراوی چارەنووسی سیاسیی و گەیشتن بە سەروەریی و دەوڵەتی نەتەوەییە.پارتی ئازادیی کوردستان هەر ڕووداوێکی سیاسیی و سوپایی؛ هەر ئاڵوگۆڕێک لە سیستەمی سیاسیی و هەر دەستاودەستکردنێک لە حوکمڕانی و تێڕاونین بۆ دیسکۆرس و ئالترناتیوەکان بەم پێوەرە دەپێوێ و بەم پێیە بڕیاریان لەسەر دەدات.

پارتی ئازادیی کوردستانPAK
مەجلیسی گشتیی
٨ی گوڵانی ٢٧٢٣
٢٨ی ئاپریلی٢٠٢٣

 

سەرەوە