دواین هەواڵ

2024-03-24 هونەرمەند حەسەن کاکایی بەهۆی خوێندنی سروودی نەتەوەیی، لەلایان هێزەکانی بەرفەرمانی تارانەوە دەسبەسەرکرا 2024-03-23 کۆڵبەرێک لە سنووری نەوسوود بەتەقەی هێزەکانی دەوڵەتی داگیرکەر، کوژرا 2024-03-16 ناوی سەردارانی شەھیدی لوڕستان ھەرمانە و تاوانی دەوڵەتی فارسیش لەبیر نەکراو 2024-03-16 پێشمەرگەیەکی کۆمەڵەی شۆڕشگێڕی زەحمەتکێشانی کوردستانی ئێران تیرۆر کرا 2024-03-15 کۆڵبەرێکی کورد ٩ رۆژ دوای بریندارکرانی گیانی لەدەست‌دا 2024-03-15 مێهران ئەکرەمی لەبەندیخانەی دەوڵەتی داگیرکەری ئێراندا لەژێر ئەشکەنجە شەهید کرا 2024-03-14 مەهدی رەحمانی قەپڵانتوو، بەهۆی رووداوێکی هاتوچۆوە گیانی لە دەست‌دا 2024-03-13 کچێکی ٢١ ساڵان لە لوڕستان بە تەقەی راستەوخۆی هێزەکانی دەوڵەتی داگیرکەری ئێران کوژرا 2024-03-08 به‌یاننامه‌ی تیپی ته‌واره‌كانی ئازادیی كوردستان TAK به‌ بۆنه‌ی ٨ی مارس رۆژی جیهانیی ژن 2024-03-08 پەیامی سەرۆکی PAK بەبۆنەی رۆژی جیهانیی ژن 2024-03-07 راگەیەندراوی رێکخراوی ئازادیی ژنانی کوردستان-نینا بە بۆنەی رۆژی جیهانی 8ی مارس 2024-03-06 بە بەشداریی شاندێکی پارتی ئازادیی کوردستان، مامۆستا پۆڵا نانەوازادە بە خاک سپێردرا 2024-03-06 پرسەنامەی سەرۆکی PAK بەبۆنەی مەرگی پۆلێک هونەرمەندی کوردستان 2024-03-01 ڕۆژهەڵاتی داگیرکراو دیسان ناسنامە و پرس و کۆڵنەدانی خۆی نواندەوە! راگەیەندراوی پارتی ئازادیی کوردستان PAK بەبۆنەی شکستی تاران لە کوردستان 2024-02-25 دیداری نێوان پارتی ئازادیی کوردستان و کۆمەڵەی زەحمەتکێشانی کوردستان

ڕاگەیەندراو

بەیاننامەی سپای میللیی کوردستانS.M.K لە سێهەمین ساڵی دامەزراندنی‌دا

20/05/2023

بەیاننامەی سپای میللیی کوردستانS.M.K
لە سێهەمین ساڵی دامەزراندنی‌دا

   30 گوڵانی 2723 ک، سێ ساڵ بەسەر دامەزراندنی سپای میللیی کوردستان تێپەڕ دەبێت.
    دامەزراندنی لەشکرێکی بەهێز و خاوەن دیسیپلین لە کچان و کوڕانی نەتەوەکەمان لە ئاگرییەوە هەتا دوا بنارەکانی زاگرۆس وەک دەستپێکی کۆتایی هێنان بە فرەلەشکری و یەک خستنی هێزەکانی پێشمەرگە لە رۆژهەڵاتی کوردستان پێویستییەکی حاشاهەڵنەگر و هەنگاوێکی گرینگ بوو.
هێزەکانی پێکهێنەری سپای میللیی کوردستان ئەو یەکانەی پارتی ئازادیی کوردستان بوون کە لە سێ دەیەی رابردوودا لە خەباتی پێشمەرگانە و پارتیزانانەوە بە دژی هێزە داگیرکەرەکانی ئێران لە کوردستان دەستیان پێکرد بوو و دواتر لە بەرەنگاربوونەوە و تێکشکاندنی هێزەکانی دەوڵەتی خەلافەی داعش دا ڕۆڵی گرینگیان گێڕا. هەروەها لە نەبەردەکانی ئۆکتۆبری ٢٠١٧دا لە تێکشکاندنی پەلاماری هێزەکانی سپای قودس و حەشدی شەعبی دا بۆ داگیرکردنی هەولێر و کۆتاییهێنان بە هەرێمی کوردستان، دەوری مێژوویی و شانازیی خوڵقێنیان تۆمار کرد.
سپای میللیی کوردستان بەرە و وەچەی هەموو ئەو هێز و دەڤەر و سەرکردانەیە کە لە ١٠٠ ساڵی ڕابردوودا لە هەرێمەکانی بەختیاری و لوڕستان و ئەردەڵان و هەورامان و موکریان و کرمانج، بە گژ هێزەکانی دەوڵەتی داگیرکەری فارس دا چوونەتەوە. درێژەی مەعنەوی سپاکەی پێشەوا قازی محەممەد و کۆماری کوردستانە. لەشکرێکی بان حیزبییە و هیوادارە هێزی رادانی دواسەربازی داگیرکەری ئێران لەسەر نیشتمانەکەمان و کۆتاییهێنان بە دەسەڵاتی کۆڵۆنیالیستیی فارس و پارێزەرەی خاک و خەڵک و سنوورەکانی کوردستان بێت.
   سپای میللیی کوردستان‌، بەم کارنامەیەوە بووەتە جێگای هیوای ڕۆژهەڵاتی داگیرکراو. ژمارەیەکی زۆر لە کچان و کوڕانی رۆژهەڵات لەریزەکانی سپای میللیی‌دا ئەرکی نەتەوەیی و ئەخلاقییان بەڕێوەدەبەن. بێجگە لەو تیپانەی درێژە بە بەرەنگاربوونەوەی داعش و حەشدی ئێرانیی دەدەن، کوڕان و کچانی هۆگری ئەو سپایە لە ناو خۆی وڵات لە شوێنی کار و ژیانیان، یەکینەکانی سپای میللیی کوردستانیان دامەزراندووە و لە ڕاپەڕینی ژینا، دەوریان گێڕاوە.
  هەبوونی تیپێکی سەربەخۆ و تایبەت بە ژنانی رۆژهەڵاتی داگیرکراو وەک تەوارەکانی ئازادیی کوردستانTAK لە ڕیزەکانی سپای میللیی کوردستاندا، یەکێ لە دەسکەوتە گرینگ و شانازییە بەرزەکانی سپای میللیی کوردستانە.TAK هەر لەو کاتەدا کە ئەرکی گشتیی نەتەوەیی لە ئەستۆیە، ئەرکی تایبەتی ژنانەی بە خوڵقاندنی دەرفەت و دەوری یەکسان بۆ ژنی ڕۆژهەڵات لە بەستێنی لەشکریی و پاراستنی ناسنامە و شکۆ و ماف و ئازادیی و دەورگێڕانی ژن لە هەموو بوارەکاندا لە ئێستا و پاشەڕۆژی نیشتماندا، هەڵگرتووە.
  سپای میللیی کوردستان بەم ناسنامە و قەوارە و ئامانج و هیوایەوە، نەدەشیا دوژمنی داگیرکەر تووشی ڕق و ترس و تۆقان نەکات. هەر بۆیە لە ناوخۆی وڵات دام ودەزگا سیخوڕی و تێرۆریستییەکانی دوژمن، لە گەڕان و سووڕاندان بۆ هەر کەسێک بۆنی هۆگریی ئەم سپایەی لێ بێت. لە پەلامارە هاژەکی و درۆنییەکانیشیاندا، بەشی شێریان بەرەو پێگە و پێشمەرگەخانەکانی ناردوە. بەڵام سپای میللیی کوردستان ئەو هەڕەشانە دەکاتە دەرفەتی گەشە و وەدەستهێنانی متمانەی زیاتری کوردستانیان.
30 گوڵانی ٢٧٢٣، سێهەمین ساڵوەگەڕی دامەزرانی سپای میللیی کوردستان پیرۆز بێت لە هەموو فەرماندەیی و یەکەکانی سپای میللیی کوردستان.
سڵاوی رێز و وەفا پێشکەشی گیانی پاکی شەهیدانی سەربەرزی سپای میللیی کوردستان و سەرجەم شەهیدانی رێگای ئازادی و بەدەوڵەتبوونی کوردستان.
سپای میللیی کوردستانS.M.K
30 گوڵانی 2723 ک
20 مای 2023 ز

سەرەوە