ئەمریکا دوو بنکەی هێزەکانی حەشدی شەعبیی بۆردوومان کرد

22/11/2023

ئەمڕۆ چوارشەممە 1ی سەرماوەزی 2723ی کوردی، بۆ یەکەمینجار سوپای ئەمریکا لە عێراق دوو هێرشی دژی گروپە چەکدارەکانی سەر بە حەشدی شەعبی  لە جرف سەخر لە ناوچەی بابل ئەنجامداوە و بنکەکانیان بۆردوومان کردووە و بەهۆیەوە 8 چەکداری حەشدی شەعبی کوژراون و 4ی دیکە برینداربوون. ئەم هێرشانە وەڵامدانەوەیە بەو هێرشانەی کە لەگەڵ دەسپێکردنی شەڕی حەماس _ ئیسراییل ـەوە لەلایان گروپە تیرۆریستییەکانی حەشدی شەعبییەوە پەیتا پەیتا کراوەتە سەر بنکەکانی ئەمریکا و هاوپەیمانان لە "عەین ئەسەد" و "هەریر".
ئەمڕۆ فەرماندەیی ناوەندی هێزەکانی ئەمریکا رایگەیاند لە بەرەبەیانیی ئەمڕۆدا لەبەرانبەر هێرشەکانی ئێران و پڕۆکسییەکانی بۆسەر هێزەکانیان و هێزەکانی هاوپەیمانان، هێرشیان کردووەتەسەر دوو بنکەی هێزەکانیان لە عێراق.