12/12/2023

 

ئەمڕۆ سێشەممە ٢١ی سەرماوەزی ٢٧٢٣ کوردی، پەرلەمانی ئوروپا خەڵاتی ساخارۆڤی ساڵی ٢٠٢٣ی پێشکەشی شەهید ژینا ئەمینی کرد.
ژینا ئەمینی کچە کوردی ٢٢ ساڵەی خەڵکی سەقز کە ساڵی پار لە تاران بەهۆی کوردبوون و ژن بوونیەوە و بەبیانووی رەچاونەکردنی حیجاب لەلایان پۆلیسی رەوشتی دەوڵەتی داگیرکەری ئێرانەوە کەوتەبەر پەلامار و دەسبەسەرکرا و لە ئاکامی لێدان شەهیدکرا.
شەهیدکرانی ژینا بووبە چەخماخەی راپەڕینێکی مەزن کە لە گۆڕستانی ئایچیی سەقز لەکاتی ئەسپەردەکردنی تەرمی ژینا دەستی پێکرد و هەموو رۆژهەڵاتی کوردستان و جوگرافیای نەتەوەکانی دیکەی ژێر دەسەڵاتی ئێرانی گرتەوە و زیاتر لە سەت رۆژ درێژەی کێشا.
خەڵاتی ساخارۆڤ خەڵاتێکە کە ساڵانە لەلایان یەکێتیی ئوروپاوە دەدرێ بەو کەس و چالاکانەی کە لەپێناو مافی مرۆڤ و ئازادیی بیروڕا دەجەنگن.