ئەمریکا هێرشی کردەسەر دوو پێگەی کەتائیبی حیزبوڵڵا

24/01/2024

بەرەبەیانی ئەمڕۆ چوارشەممە ٤ی بەفرانباری ٢٧٢٣ک، هێزەکانی ئەمریکا دوو لە پێگەکانی کەتائیبی حیزبوڵڵای سەر بە حەشدی شەعبی لە ئەنبار و بابل کردە ئامانج و بۆردوومانی کردن.
لە ئاکامی ئەم هێرشەدا چەکدارێکی گروپەکە بەناوی عەلی ئەنوەر سەبیح ساعیدی کوژراوە و چواری دیکەیان برینداربوون.
لوید ئۆستۆن وەزیری بەرگریی ئەمریکا رایگەیاند: ئەمریکا بێ دوودڵی هەر هەنگاوێکی پێویست دەگرێتەبەر بۆ پاراستنی هێزەکانیان و بەرژەوەندییەکانیان؛ ئەم هێرشانەش وڵامدانەوەیەکن بۆ ئەو زنجیرە هێرشانەی کە لەلایان پڕۆکسییەکانی ئێرانەوە دەکرێنەسەر هێزەکانی ئەمریکا و هاوپەیمانان لە عێراق و سووریا.