حوکمی لەسێدارەدانی چوار بەندکراوی کورد جێبەجێکرا

29/01/2024

ئەمڕۆ دووشەممە ٩ی رێبەندانی ٢٧٢٣ک، سزای لەسێدارەدانی چوار بەندکراوی سیاسیی کورد " موحسین مەزڵووم، محەممەد فەرامەرزی، وەفا ئازەربار، پژمان فاتیحی" لە بەندیخانەی قزلحەساری کەرەج جێبەجێ کرا.

ئەمە لەکاتێکدایە لە ماوەی ئەو ١٨ مانگەی کە دەسبەسەرکراون لە سەرەتاییترین مافەکانیان وەک هەبوونی پارێزەر، یان چاوپێکەوتنی کەس و کار بێبەش کرابوون و دۆسییەکەیان بەتەواویی ناڕوون بوو.

دەوڵەتی داگیرکەری ئێران بە گرتن و کوشتن و خوێنی رۆڵەکانی نەتەوەکەمان تینووە و لە ئەنجامدانی هەر کردەوەیەکی نامرۆڤانە و خولقاندنی هەرجەنایەتێک خۆ نابوێرێ.
ئازادی، بەختەوری، گیان و شکۆ و کەرامەتی نەتەوەی کورد لە گرەوی رزگاریی لەژێردەستەیی و پچڕاندنی کۆت و بەندی دیلی و دامەزراندنی دەوڵەتیی نەتەوەیی کوردستانە.