سەردانی کۆمەڵەی شۆڕشگێڕی زەحمەتکێشانی کوردستانی ئێران لە پارتی ئازادیی کوردستان

18/02/2024

 سەردانی کۆمەڵەی  شۆڕشگێڕی زەحمەتکێشانی کوردستانی ئێران لە  پارتی ئازادیی کوردستان

‏‌‎ئەمڕۆ یەکشەممە ۲۹ی ڕێبەندانی  ۲۷۲۳ ی کوردی، بەرانبەر بە  ۱٨ی فێورییەی ۲۰۲٤ زایینی، شاندێکی کۆمەڵەی شۆڕشگێڕی زەحمەتکێشانی کوردستانی ئێران. پێکهاتوو لە بەڕێز عەلی رەنجبەری ئەندامی کۆمیتەی ناوەندی و بەرپرسی پەیوەندییە کوردستانییەکانی کۆمەڵە لە هەولێر و بەڕێزان  سۆران ئازەربار جێگری پەیوەندییەکانی کۆمەڵە لە هەولێر، خەلیل فەتاحی  کادری کۆمەڵە سەردانی پارتی ئازادیی کوردستانیان کرد و لە لایان شاندێکی پارتی ئازادیی کوردستان پێکهاتوو لە بەڕێز خەلیل نادری بەرپرسی گشتیی پێوەندییەکانی پارتی ئازادیی کوردستان و بەڕێزان ڕووبار لەیلاخی،  باران مەهابادی، گۆران یەزدانپەنا و ئەدیب خالدیان بە گەرمیی پێشوازییان لێکرا.

لەم دیدارەدا گفتوگۆ لەسەر دۆخی هەنووکەیی کوردستان و ناوچەکە ، پێشهات و ڕووداوەکان کرا و پێویستیی هاودەنگی و هاوکاریی نێوان پارت و لایەنە سیاسییەکانی ڕۆژهەڵاتی کوردستان و  
 هەروەها پێویستیی کۆدەنگی و هاوهەڵوێستیی لایەنەکان بۆ بایکۆتی چالاکانەی هەڵبژاردن و هێشتا مانەوەی کات و دەرفەت بۆ بانگەوازی هاوبەش  لەسەر  هەڵبژاردن و هەندێ پرس و بابەتی دیکە ، باس و خواسی ئەم دیدارەبوون. 
لە بەشێکی تری دانیشتنەکەدا جەخت لەسەر پێوەندیی  نێوان دوو لایەن و هەموو حیزب و هێزەکانی ڕۆژهەڵاتی کوردستان و پێویستی یەکیەتی و یەکهەڵوێستی لایەنە سیاسیەکان بەتایبەت لەم دۆخە تایبەت و هەستیارەدا کرا .

۲۹ی ڕێبەندانی ۲۷۲۳ کوردی
۱٨ی فێورییەی ٢٠٢٤ی زایینی