دۆناڵد ترەمپ: مایكڵ فلین بەهۆی درۆكردنەوە لەكارەكەی دوورخرایەوە

05/01/2019

دۆناڵد ترەمپ، سەرۆكی ویلایەتە یەكگرتووەكانی ئەمەریكا رایگەیاند، مایكڵ فلین بە هۆی "درۆكردن" لەگەڵ جێگری سەرۆكی ئەممریكا دوورخراوەتەوە، ئەگەرنا كۆبوونەوەی لەگەڵ رووسەكان بە پێی یاسا بووە و شتێكی شاراوە نییە.

دۆناڵد ترەمپ لە تویتێكدا نوسیوویەتی، "بە هۆی ئەوەی جەنڕاڵ فلین درۆی لەگەڵ جێگری سەرۆك و ئێف بی ئای كردووە لە كار دوورمخستووەتەوە، بە هۆی ئەو درۆیانەوە تاوانبارە، ئەوە شەرمەزارییە، چونكە كارەكانی قۆناغی راگوزەری بە پێی یاسابوون و شتێكی شاراوە نییە".

لە میانی دۆسیەی لێكۆڵینەوە لە پەیوەندی هەبوون لەگەڵ بەرپرسانی رووسیا، مایكڵ فلین دانی بەوە دا نابوو كە "درۆی لەگەڵ ئێف بی ئای كردووە".

فلین ئاماژەی بەوەشكردبوو، كە "كارێكی هەڵەی كردووە"، پەیمانی ئەوەیشی دابوو "ئەو هەڵەیە چاك دەكاتەوە" و پێشیوابوو "بڕیاری هەماهەنگیش باشترین بڕیارە لە پێناو وڵاتەكەی و خێزانەكەی".

ناچاركردنی مایكڵ فلین بۆ دەستلەكاركێشانەوە لە پۆستی راوێژكاری ئاسایشی نیشتیمانی كۆشكی سپی لە ماوەی كەمتر لە مانگێكدا، بووە هۆی ئەوەی زانیاری بەهەڵەدابەر بدات لەبارەی كۆبوونەوەكانی لەگەڵ بەرپرسانی رووسی.