پرسەنامەی سەرۆکی PAK بەبۆنەی مەرگی پۆلێک هونەرمەندی کوردستان

06/03/2024

پرسەنامەی سەرۆکی PAK
بەبۆنەی مەرگی پۆلێک هونەرمەندی کوردستان

بەناوی خوای گەورە و دلۆڤان
کوردستان و کۆڕی هونەرمەندانمان لەماوەیەکی کەمدا، یەک بە دوای یەکدا پۆلێک هونەرمەندیان لەدەست دا. هونەرمەندانی کۆچکردوو : "رەسووڵ حەمۆ» لە خانێ؛ «جەمشید عەندەلیبی» لە سنە؛ «جەمیل ئەحمەدی» لە نەوسوود و «عەسکەر سۆهرابی» لە کرماشان، پاش تەمەنێکی دوور و درێژ خزمەتی هونەریی بە نەتەوە و نیشتمانەکەمان، مۆمی تەمەنیان کوژایەوە.
هونەرمەندانی رەسەنی کوردستان سەربەخۆ لە دامەزراوە کەلتوورییەکانی دەوڵەتی داگیرکەر، نەک هەر بە هونەری دەنگ و ژەنین، بەڵکوو بەزمانی هونەر دەوری گرینگیان لە پاراستنی ناسنامەی نەتەوەیی گێڕاوە.
بەبۆنەی کۆچی دوایی ئەو پۆلە هونەرمەندەوە، پرسە و سەرەخۆشیی پێشکەشی بنەماڵەکانیان و ئۆگرانی هونەری کوردی و هەموو کوردستان دەکەم.
خوای گەورە بەهەشتی بەرین بەوان و ئۆقرە و سێبووریی بە کەس و کار و تازییەبارانیان ببەخشێ.

حسەین یەزدانپەنا
١٦ ی رەشەمەی ٢٧٢٣ ک
٦ی مارسی ٢٠٢٤ ز