فه‌رمانده‌یی‌ ئۆپه‌راسیۆنه‌كانی‌ دیجله‌ ده‌ستپێكردنی‌ هه‌ڵمه‌تێكی‌ نوێی هاوبه‌شیی‌ نێوان سوپا و حه‌شدی‌ شه‌عبی‌ و عه‌شایه‌ری‌ و پۆلیسی‌ عێراقی‌ راگه‌یاند له‌پێناو پاككردنه‌وه‌ی‌ ناوچه‌ی‌ مه‌تیبیجه‌ی‌ سنوری‌ له‌نێوان هه‌ردو پارێزگای‌ دیاله‌و سه‌ڵاحه‌دین له‌ پاشماوه‌كانی‌ داعش.

فه‌ریق روكن مه‌زهه‌ر عه‌زاوی‌ فه‌رمانده‌ی‌ ئۆپه‌راسیۆنه‌كانی‌ دیجله‌ رایگه‌یاند، هێزه‌ ئه‌منییه‌ هاوبه‌شه‌كانی‌ سه‌ربه‌ ئۆپه‌راسیۆنی‌ دیجله‌ و ئۆپه‌راسیۆنی‌ سامه‌را و حه‌شدی‌ شه‌عبی‌ و عه‌شایه‌ری‌، به‌پشتیوانیی‌ فرٍِۆكه‌كانی‌ سه‌ربه‌ سوپای‌ عێراق، له‌ به‌ره‌به‌یانی‌ رۆژی‌ شه‌ممه‌وه‌ ده‌ستیانكردوه‌ به‌ پرۆسه‌یه‌كی‌ سه‌ربازیی‌ به‌رفراوان له‌پێناو پاككردنه‌وه‌ی‌ ناوچه‌ی‌ مه‌تیبیجه‌ی‌ سنوری‌ له‌نێوان پارێزگاكانی‌ دیاله‌ و سه‌ڵاحه‌دین له‌ پاشماوه‌ی‌ داعش.

ئه‌و هه‌ڵمه‌ته‌ له‌ كاتێكدایه‌ كه‌ پێشتر حه‌یده‌ر عه‌بادی‌ سه‌رۆك وه‌زیرانی‌ عێراق شكستی‌ داعشی‌ له‌ عێراق راگه‌یاند له‌پاش گێڕانه‌وه‌ و كۆنترۆڵكردنه‌وه‌ی‌ سه‌رجه‌م ئه‌و شار و شارۆچكانه‌ی‌ له‌ ساڵی‌ (2014)وه‌ له‌ژێر كۆنترۆڵی‌ داعشدا بون.