ڕاگەیەندراوی ژمارە( 13 )ی ڕاپەڕینی کوچک و بەردی رۆژهەڵاتی داگیرکراو مەهاباد بەردەوامە لە هەڵمەت و بەربەرەکانێ

19/09/2022

ڕاگەیەندراوی ژمارە( 13 )ی ڕاپەڕینی کوچک و بەردی رۆژهەڵاتی داگیرکراو
مەهاباد بەردەوامە لە هەڵمەت و بەربەرەکانێ
مەهابادی خۆڕاگر بەردەوامە لە بەربەرەکانێ، رۆڵە ئازا و بەجەرگەکانی مەهاباد لەگەڵ داخستنی دوکان و بازاڕ، بە هەڵمەت‌بردن و رژانە سەرشەقامەکان، بوێری و چاونەترسیی خۆیان سەلماندەوە.
بەم جۆرە ترس و لەرزێکی وەهایان خستە دڵی دوژمنی داگیرکەر کە ئەو هێزە زۆرەی ئەوڕۆ لە ورمێ‌وە هێنایانە مەهاباد، کەوتنە پەلاماردان و تەقەکردن لە خەڵکی راپەڕیو ، تا ئێستا زیاد لە 13کەس لە خەڵکی راپەڕیوی مەهابادی خۆڕاگریان بریندار کردووە.
سڵاو لە خەڵکی راپەڕیو و ئازای مەهاباد کە بەبوێری و هەڵوێستیان رۆحی ژینای شەهیدیان شاد کرد.

پارتی ئازادیی کوردستانPAK
کۆمیتەی ڕاگەیاندن

٢٨ی خەرمانانی ٢٧٢٢ک
١٩ی سێپتامبری ٢٠٢٢ز






کاتژمێر:23:20