ڕاگەیەندراوی ژمارە( 17 )ی ڕاپەڕینی کوچک و بەردی رۆژهەڵاتی داگیرکراو رەوانەکردنی هێز لە هەمەدانەوە بۆ سنە و کرماشان

20/09/2022

ڕاگەیەندراوی ژمارە( 17 )ی ڕاپەڕینی کوچک و بەردی رۆژهەڵاتی داگیرکراو
رەوانەکردنی هێز لە هەمەدانەوە بۆ سنە و کرماشان

دوێنێ 28 خەرمانان رۆڵەکانی رۆژهەڵاتی داگیرکراو، لە مانگرتنێکی گشتیی‌دا یەک دەنگ و یەک هەڵوێست سەرکەوتنیان بەدەست هێنا و بەهاتنە سەر شەقام و کۆڵانەکان و بە درووشمی نەتەوەییەوە  دوژمنی داگیرکەریان بەرهەڵمەت‌دا. هێزەکانی دوژمن سەرەڕای ئەوەی دوێنێ هەموو هێزی خۆیان بەکارهێنا و بۆ دامرکاندنەوەی راپەڕینەکە و کەوتنە گرتن و پەلاماردان و تەقەکردن لە خەڵکی راپەڕیو؛ بەمەشەوە نەیانتوانی ملیان پێ بدەن و دایانمرکێننەوە. 
سەرنج بدەن و ببینن ئەوڕۆ لە دووەم رۆژی راپەڕینی کوچک و بەردی رۆژهەڵاتی داگیرکراودا، تاران لەترسی درێژەکێشان و بەردەوامیی راپەڕین هێزێکی زۆرتری لە هەمەدانەوە بەرەو سنە و کرماشان رەوانە کردووە.
رۆڵە سەربەرزەکانی کوردستان بەم جۆرە ترس و دڵەڕاوکێ لە دڵی دوژمنی داگیرکەری فارس دەچەقێنن.

پارتی ئازادیی کوردستان PAK
کۆمیتەی راگەیاندن
29 خەرمانان 2722 ک
20 سێپتامبەری 2022 ز