ڕاگەیەندراوی ژمارە( 28 )ی ڕاپەڕینی کوچک و بەردی رۆژهەڵاتی داگیرکراو رۆژهەڵات بەردەوامە لە راپەڕین

22/09/2022

ڕاگەیەندراوی ژمارە( 28 )ی ڕاپەڕینی کوچک و بەردی رۆژهەڵاتی داگیرکراو
رۆژهەڵات بەردەوامە لە راپەڕین

لە درێژەی راپەڕینی کوچک و بەردی رۆژهەڵاتی داگیرکراودا، رۆڵەکانی کوردستان لە باکووریترین مەڵبەندەکانی رۆژهەڵاتی نیشتمان تا باشووریترینی، لە " ماکۆ، ورمێ، بۆکان، مەهاباد، سەردەشت، شنۆ، نەغەدە، پاوە، سەقز، سنە، دیواندەرە، دێولان، قروە، کرماشان، ئیلام، خورماوا و... تا دەگاتە خوراسان"  سەرەڕای ئەوەی دەوڵەتی داگیرکەر بە ھێنانی ھێز و دامەزرانی چەکی قورس و لەشکرکێشی و میلیتاریزەکردنی شارەکان، #ڕاپەڕینیکوچکو_بەرد درێژەی ھەبوو و یەکگرتووانە درێژەیان بە بەرخۆدان و بەرەنگاریی مەزنی نەتەوەییان دا.
رۆڵەکانی نەتەوەی کورد لە سەرتاسەری رۆژهەڵاتی کوردستان، بە بیر و هەڵوێستی نەتەوەیی و رابوون دژی ستەم و زۆرداریی دەوڵەتی داگیرکەری فارس، پەیامی کوردبوون و کوردستانی‌بوونی خۆیان دەمەزەردکردەوە. بە دروشمی " کوردستان ناوت بەرزە، دوژمن دەخاتە لەرزە" دوژمنیان وەلەرزە خست و هێز و بڕسکیان لێ بڕی. 
رۆڵەکانی رۆژهەڵاتی داگیرکراو دەیسەلمێنن دوژمنی داگیرکەر بە هەموو هێز و توانایەوە، بە هەموو چەک‌وچۆڵ و زەبر و زەنگێکییەوە لە بەرانبەر هێزی یەکگرتووی کوردستانیان بە چۆکدا دێت.
پارتی ئازادیی کوردستانPAK
کۆمیتەی ڕاگەیاندن
١ رەزبەری ٢٧٢٢ک
٢٣ سێپتامبری ٢٠٢٢ز

کاتژمێر:  ٠١:٥٠ بەرەبەیان