ڕاگەیەندراوی ژمارە (30) ڕاپەڕینی کوچک و بەردی ڕۆژھەڵاتی داگیرکراو رۆژهەڵات لە شەشەمین رۆژی راپەڕین‌دا

23/09/2022

ڕاگەیەندراوی  ژمارە (30) ڕاپەڕینی کوچک و بەردی ڕۆژھەڵاتی داگیرکراو
رۆژهەڵات لە شەشەمین رۆژی راپەڕین‌دا

لە شەشەمین رۆژی راپەڕینی کوچک و بەرد دا رۆڵە سەربەرزەکانی کوردستان لە سەرتاسەری رۆژهەڵاتی داگیرکراودا بەردەوامن لە راپەڕین و بەگژ داگیرکەردا دەچنەوە.
رۆڵە بوێرەکانی سەقز بە درووشمی "ژینا کچی کوردستان؛ ناوی ڕەمزە بۆ ھەمووان " پێداگریی لەسەر پرسی نەتەوەیی و  کوردستانی‌بوونی راپەڕینی کوچک و بەردی رۆژهەڵاتی داگیرکراو دەکەنەوە.
ئیلام بە گوڕتر درێژە بە راپەڕین دەدا و پیلانەکانی سڕینەوە و ئاسمیلاسیۆنی داگیرکەری فارس گۆڕ دەکا.
خەڵکی بەشەرەفی کوردستان شەهیدانی راپەڕین بەشکۆوە بەخاک دەسپێرن و بەڵێنی تۆڵەکردنەوە و درێژەدانی رێگایان دەدەن.
میلیتاریزەکردنی شار و شارۆچکەکان و پچڕان و سنووردارکردنی هێڵەکانی پێوەندی و ئەنتەرنێت و رایلکە کۆمەڵایەتییەکان، کوردستانییان لە راپەڕین سارد ناکەنەوە و زیاتر  سوور دەبن لەسەر خواست و ئامانجە نەتەوەییەکەیان.
پارتی ئازادیی کوردستانPAK
کۆمیتەی ڕاگەیاندن
١ رەزبەری ٢٧٢٢ک
٢٣ سێپتامبری ٢٠٢٢ز


کاتژمێڕ:   ١٦:٠٠