ڕاگەیەندراوی ژمارە( 35 )ی ڕاپەڕینی کوچک و بەردی رۆژهەڵاتی داگیرکراو سنە لە شەشەمین رۆژی راپەڕین‌دا

23/09/2022

ڕاگەیەندراوی ژمارە( 35 )ی ڕاپەڕینی کوچک و بەردی رۆژهەڵاتی داگیرکراو
سنە لە شەشەمین رۆژی راپەڕین‌دا
خەڵکی سنەی سەربەرز ئەمڕۆ لە شەشەمین رۆژی راپەڕیندا بە هەڵمەتەوە درێژەیان بە راپەڕین دا و ئازایانە بە هاتنە سەر شەقامەکان رۆڵی بەرچاویان گێڕا.
رۆڵەکانی مەڵبەندی ئەردەڵان بە ورە و ئیرادەیەکی نەتەوەییەوە، خاوەندارێتییان کردن لە خوێنی شەهیدانی راپەڕینی کوچک و بەردی رۆژهەڵاتی داگیرکراو.
دەوڵەتی داگیرکەر بە هێنانی هێزێکی زۆر و میلیتاریزەکردنی شارەکان لە لایەک و بە سنووردارکردنی ئەنتەرنێت و رایلکە کۆمەڵایەتییەکان گشت حەولی خۆی ئەدات بۆ کۆنترۆڵکردن خەڵکی راپەڕیو و پچڕاندنی پێوەندییەکان و لەحەول‌دایە دەنگ و رەنگی خەڵکی راپەڕیو نەگاتە دەرەوە؛ سەرەڕای ئەمانە خەڵک ئازایانە لەسەر هەڵوێست و هەنگاوی نەتەوەییان سوورن و بەربەرەکانێی دوژمنی داگیرکەر دەکەن.


پارتی ئازادیی کوردستانPAK
کۆمیتەی ڕاگەیاندن
١ رەزبەری ٢٧٢٢ک
٢٣ سێپتامبری ٢٠٢٢ز



کاتژمێر:  23:10