ڕاگەیەندراوی ژمارە( 36 )ی ڕاپەڕینی کوچک و بەردی رۆژهەڵاتی داگیرکراو شنۆ بەردەوامە لەراپەڕین

23/09/2022

ڕاگەیەندراوی ژمارە( 36 )ی ڕاپەڕینی کوچک و بەردی رۆژهەڵاتی داگیرکراو
شنۆ بەردەوامە لەراپەڕین
رۆڵە دلێر و جوامێرەکانی شنۆ لە شەشەمین رۆژی راپەڕین، بە وێنەی رۆژانی پێشتر بەگژ هێزەکانی دەوڵەتی داگیرکەردا چوونەوە؛  خەڵکی راپەڕیو بە گوڕ و تینەوە لەسەر شەقامەکان بە هەڵمەت بردنەسەر هێزەکانی بەرفەرمانی دوژمن قارەمانێتییان نواند.
تاران بە تەواویی ترس دایگرتووە و بە دامەزراندنی چەکی قورس و  هێنانی هێزی زیاتر بۆ شارەکان حەولی کۆنترۆڵ‌کردنی خەڵکی راپەڕیو دەدا، بەمەشەوە نەیتوانیوە و ناتوانێ لەبەرانبەر ئیرادە و قارەمانێتی رۆڵەکانی کورد دا خۆ بگرێ. 
تاران بە پچڕاندنی ئەنتەرنێت و سنووردارکردنی تۆڕە کۆمەڵایەتییەکان ناتوانێ رێگربێ لەبەردەم خەڵکی راپەڕیو دژی ئەو ستەم و تاوانانەی کردوویەتی؛ بە پێچەوانەوە هەر جۆرە فشارێک زیاتر خەڵکی راپەڕیو هاندەدا  سوور بن لەسەر هەڵوێست و هەنگاوە پیرۆزەکەیان.
سڵاو لە خەڵکی راپەڕیوی شنۆ، سڵاو لە شەهیدان و بریندارانی راپەڕینی کوچک و بەرد

پارتی ئازادیی کوردستانPAK
کۆمیتەی ڕاگەیاندن
١ رەزبەری ٢٧٢٢ک
٢٣ سێپتامبری ٢٠٢٢ز



کاتژمێر:  :23:20