ڕاگەیەندراوی ژمارە( 37 )ی ڕاپەڕینی کوچک و بەردی رۆژهەڵاتی داگیرکراو مەهاباد، سەقز، بۆکان و پیرانشار لە راپەڕین بەردەوامن

23/09/2022

ڕاگەیەندراوی ژمارە( 37 )ی ڕاپەڕینی کوچک و بەردی رۆژهەڵاتی داگیرکراو
مەهاباد، سەقز، بۆکان و پیرانشار لە راپەڕین بەردەوامن
لە شەشەمین رۆژی راپەڕین‌دا، سەرەڕای لەشکەرکێشی دەوڵەتی داگیرکەر و هێنانی چەکی قورس و میلیتاریزەکردنی شارەکان‌، راپەڕینی کوچک و بەردی رۆژهەڵاتی داگیرکراو درێژەی هەبوو.
خەڵکی راپەڕیوی مەهاباد، سەقز، پیرانشار و بۆکان وێڕای شارەکانی دیکەی رۆژهەڵاتی نیشتمان ئەمڕۆش بە ورەی بەرزەوە و بەهەڵمەت‌بردنەسەر دوژمن و  مانەوە لەسەر شەقامەکان و بەرخۆدانی قارەمانانەیان لەبەرانبەر  دوژمنی داگیرکەر و هێزەکانی بەرفەرمانی، ئازایەتی و چاونەترسی خۆیان نیشان‌دا.
بژین رۆڵەکانی رۆژهەڵاتی داگیرکراو، سڵاو لە ئیرادە و باوەڕ و بەرخۆدانتان.
پارتی ئازادیی کوردستانPAK
کۆمیتەی ڕاگەیاندن
١ رەزبەری ٢٧٢٢ک
٢٣ سێپتامبری ٢٠٢٢ز
کاتژمێر : ٢٣:٥٠