ڕاگەیەندراوی ژمارە( 40 )ی ڕاپەڕینی کوچک و بەردی رۆژهەڵاتی داگیرکراو (رۆژهەڵات لە ٨ ھەمین ڕۆژی ڕاپەڕیندا)

24/09/2022

ڕاگەیەندراوی ژمارە( 40 )ی ڕاپەڕینی کوچک و بەردی رۆژهەڵاتی داگیرکراو
(رۆژهەڵات لە ٨ ھەمین ڕۆژی ڕاپەڕیندا)
سنەی  قارەمان، مەڵبەندی ژنان و پیاوانی بەجەرگ و بوێر، بە وێنەی رۆژانی رابردوو  درێژەی بە راپەڕین دا و لاوانی نەبەزی شار، لەسەر شەقامەکان لە بەربەرەکانێی دوژمنی داگیرکەردان.
خەڵکی چاونەترسی کرماشان بەردەوامن لە بەگژداچوونەوەی دوژمنی داگیرکەر و شەقام و گۆڕەپانیان چۆڵ نەکردوە.
نەوەکانی سمکۆی مەزن لە ورمێ و دەوروپشتی، دوای تۆماری سەرکەوتنەکانی دوێنێ و رۆژانی پێشتر، ئەمڕۆ و ئەمشەویش، بە هەمان گوڕ و تینەوە لەمەیدانی بەربەرەکانێی دوژمنی داگیرکەردا ماونەتەوە.
شنۆی سەربەرز؛ ئەو شارە قارەمانەی کە دوێنێ داگیرکەری لە شار ڕاماڵیی و شانازیی بۆ گشت کوردستان تۆمارکرد، ئەمڕۆ پلانی هێزە داگیرکەرەکانی  بۆ داگیرکردنەوەی، پووچەڵ کردەوە.
ڕۆڵەکانی نەتەوەکەمان لە شارەکانی خوراسان، درێژە بە راپەڕین دەدەن و لەسەر هەڵوێستی بوێرانەیان سوور و پێداگرن.
ھاوکات نەوەکانی شێرعەلیمەردانخانی بەختیاریی، لە دزفوول ھاتوونەتە سەرشەقام و تەنگیان بە ھێزەکانی دوژمن ھەڵچنیوە.
دوژمنی داگیرکەر سەرەڕای میلیتاریزەکردنی شارەکان و بەکارھێنانی توند و تیژی و تەقەی ڕاستەوخۆ لە خەڵکی ڕاپەڕیو، نەیتوانیوە بڵێسەی ڕاپەڕینی ڕۆڵەکانی نەتەوەی گەورەی کورد دامرکێنێتەوە. 
ڕاپەڕینی کوردستان و ڕۆڵەکانی بناری زاگرۆس بەجۆرێ سەرانی دەوڵەتی داگیرکەری تووشی ترس و دڵەڕاوکێ کردووە پەنایان بردووەتە بەر پچڕاندن و سنووردارکردنی هێڵەکانی ئەنتەرنێت و رایلکە کۆمەڵایەتییەکان. بەڵام ئاگری ڕاپەڕینی نیشتمانی داگیرکراو، ھەر بڵێسە دەکێشێ.
پارتی ئازادیی کوردستانPAK
کۆمیتەی ڕاگەیاندن
٢ رەزبەری ٢٧٢٢ک
٢٤ سێپتامبری ٢٠٢٢ز

کاتژمێر: 23:20